14 நாட்கள் முடிவு – பயன்பாட்டிற்கு வரும் காந்தி மார்க்கெட் சாலைகள்!

காந்தி மார்க்கெட்டை சேர்ந்த 7 பேருக்கு கொரோனா நோய் தொற்று உறுதியானதை தொடர்ந்து, திருச்சி காந்தி மார்க்கெட் பகுதியை முழுவதும் மூட மாவட்ட ஆட்சியர் உத்தரவிட்டார். இதற்கு வியாபாரிகள் கடும் எதிர்ப்பு தெரிவித்த நிலையில் காந்தி மார்க்கெட் சாலை தடுப்புகள் அமைத்து முழுமையாக அடைக்கப்பட்டது.

அடைக்கப்பட்டு இன்றுடன் 14 நாள்களான நிலையில், நேற்று மார்க்கெட்டை ஆய்வு செய்த திருச்சி மாநகராட்சி ஆணையர் சிவசுப்பிரமணியன் “இப்பகுதியில் புதிதாக நோய் தொற்று பாதிப்பு உள்ளானவர்கள் கண்டறியபடவில்லை, எனவே மார்க்கெட் பகுதி சாலை மாலை முதல் செயல்படலாம்” எனத் தெரிவித்தார்.