பட்டைய கிளப்பபோகும் பஜாஜ் ஆட்டோ : 2025ல் CNG இருசக்கர வாகனங்களை அறிமுகப்படுத்த வாய்ப்பு

பஜாஜ் ஆட்டோ நிறுவனம் தற்போது இரு சக்கரவாகன சிஎன்ஜி தயாரிப்பில் ஈடுபட்டு வருவதாகவும், 2025ம் ஆண்டு அறிமுகம் செய்ய உள்ளதாகவும் நிறுவனத்தின் தலைமை செயல் அதிகாரி (சிஇஓ) ராஜீவ் பஜாஜ் தெரிவித்துள்ளார். தற்போது உலகில் எங்கும் CNG இரு சக்கர வாகனங்கள் இல்லை என்று பஜாஜ் தெரிவித்துள்ளது.

இரு சக்கர வாகனத் தொழிலைப்பற்றி மேலும் பேசுகையில், இந்த இடம் அதிகப்படியான கட்டுப்பாடுகள் மற்றும் வரிவிதிப்புகளால் பாதிக்கப்படுகிறது என்றார். “கிட்டத்தட்ட 60 சதவிகிதம் முச்சக்கர வண்டி தொழில் CNGக்கு மாறியுள்ளது,” என்று அவர் மேலும் கூறினார். சமீப காலங்களில் இரு சக்கர வாகனங்கள் அதிக அளவில் பாதிக்கப்பட்டுள்ள நிலையில், வாகன விற்பனை இன்னும் கொரோனோ தொற்றுநோய்க்கு முந்தைய நிலைக்குத் திரும்பவில்லை என்று குறிப்பிடப்பட்டுள்ளது.

நிறுவனம் மாதத்திற்கு 10,000 யூனிட்களை விற்பனை செய்ய உத்தேசித்துள்ளதாகவும், நடப்பு நிதியாண்டின் மூன்றாவது காலாண்டில் ட்ரையம்பின் உற்பத்தி மற்றும் விற்பனையை இரட்டிப்பாக்க 18,000 யூனிட்களை எதிர்பார்க்கிறது என்றும் CEO கூறியுள்ளார். பஜாஜ், “டிரையம்ப் மூலம் நாங்கள் வாடிக்கையாளர்களுக்கு மலிவு விலையில் வழங்குகிறோம். நாங்கள் பிரீமியம் தயாரிப்பை வழங்குகிறோம், சிறந்த மதிப்பை வழங்குகிறோம்.” “புனேவில் உள்ள சாக்கனில் ட்ரையம்ப் உற்பத்திக்கான புதிய உற்பத்தி ஆலையை அமைக்க சுமார் 200 கோடி ரூபாய் செலவானது” என்றும் அவர் கூறியுள்ளார். வாகன உற்பத்தியாளர் அடுத்த மாதம் முதல் புதிய தயாரிப்புகளை வெளியிடும், பஜாஜ் மேலும் கூறினார்.

பஜாஜ் ஆட்டோ மற்றும் பிரிட்டிஷ் மோட்டார்சைக்கிள் பிராண்டான ட்ரையம்ப் நிறுவனங்களுக்கு இடையேயான 2017 ஒப்பந்தத்தின் ஒரு பகுதியாக, ஜூலை 5 அன்று இந்தியாவில் ட்ரையம்ப் ஸ்பீட் 400 மற்றும் ஸ்க்ராம்ப்ளர் 400 X மோட்டார்சைக்கிள்களை கூட்டாக வெளியிட்டது குறிப்பிடத்தக்கது.