சென்னை டூ புருனே – இந்திய விமான சேவையில் மற்றுமொரு மைல்கல்!!

தென்கிழக்கு ஆசிய நாடுகளில் தென்சீன கடலில் உள்ள முக்கியமான தீவு புருனே, தமிழ்நாட்டை சேர்ந்த பலரும் பணிபுரிய தேர்ந்தெடுக்கும் வெளிநாடுகளில் புருனேவும் ஓன்று. முக்கியத்துவம் வாய்ந்த இந்த நாட்டிற்கு தான் தற்போது சென்னையில் இருந்து நவம்பர் ஐந்தாம் தேதியில் இருந்து நேரடி விமானசேவை ஆரம்பிக்கப்பட்டுள்ளது.

இதுகுறித்து திருச்சி விமான நிலைய அதிகாரிகள் கூறுகையில்…. ‘தமிழ்நாட்டில் இருக்கும் மற்ற மாவட்டங்களை விட திருச்சி, தஞ்சாவூர் போன்ற மாவட்டங்களில் இருந்து புருனே நாட்டிற்கு செல்பவர்கள் அதிகம், பல வருடங்களாக தமிழ்நாட்டில் இருந்து நேரடியாக விமான சேவை வேண்டும் என எதிர்பார்த்து கொண்டிருந்தவர்கள். அவர்களுக்கு இது உண்மையிலேயே மகிழ்ச்சியான விஷயமாக தான் இருக்கும்.

இந்த சென்னை டு புருனே விமான சேவை இந்தியாவிலேயே முதல் முதலாக புருனேவிற்கு தொடங்கப்பட்டுள்ள நேரடி விமான சேவையாகும். அந்த வகையில் இது தமிழ்நாட்டிற்கு கிடைத்திருக்கும் பெருமையும் கூட.’ என்றார்.